Изнајми Стан во Скопје

Kуќа или стан?

Кога станува збор за решавање на станбеното прашање, добро е да се земат во предвид неколку параметри:

1. Одржување
За разлика од становите, кои лесно се чистат, одржување на куќата бара повеќе време особено ако имате голем двор.

2. Удобност
Во стан можете да уживате доколку немате големи барања но за куќата се вели дека е кралица на удобноста, бидејќи нуди мир, можност да останете сами, да уживате во приватноста, да пиете кафе во дворот, да се сончате, да си играте со вашето милениче. Имате и подрум во кој можете да ги оставате и непотребните работи, поткровје во кое ќе го сместите старото бебешко креветче и секако обезбедено ви е и место за паркирање.

3. Начин на живеење
Станот е идеален избор за сите оние кои водат активен живот со забрзано темпо. Kуќата останува идеален избор за фамилијарните луѓе кои куќата ја сметаат за свое гнездо и одвај чекаат да завршат со дневните обврски и да се вратат во својот “храм”.

4. Трошоци
Ако сакате да заштедите, тогаш изберете живот во стан, бидејќи месечните трошоци за негово одржување се релативно пониски. Ако не друго, ќе ги избегнете високите сметки за греење. Плаќањето на “потребите” на куќата, ќе ве чини поскапо, бидејќи таа постојано бара вложување во неа, па затоа се вели деке куќата е како дупка без дно.

5. Понуда и Побарувачка
Понудата на станови е многу поголема, и генерално за нив постои и голема побарувачка. Понудата ја намалува цената на становите, бидејќи секогаш се бараат функционални и не премногу големи станови. Проблемот со куќите е што старите треба да се реновираат, а за тоа се потребни многу пари, а новите куќи најчесто се големи и со самото тоа и скапи.